شهریارا قلمین قدرتی آفاقی یاریب
جنگیسیز فاتح اولوب كل بو دونیانی آ لیب
دونیایا خوش باخشین شعریلرینده بیلینیر
بیر بویوك عاطفه منظومه لرینده گؤروءنور
دٌولی احساسیله خلق ایلمیسن خان ننه نی
آغلادیر گوءلدوءروءر هر حاله سالیر دینله ینی
هر نه توصیف یازام آزدئ بو حیدر بابا یا
چؤوروءلوءب چوخ دیله دونیا ئوءزی هاردان هارایا
اواینشتئنه سلامین یئر ئوءزوءن تیترتمیش
قدرت علمیوی هم شخصییتین گورستمیش
شاه داغین شا نلی سهندین اوجالاندئ سنیلن
آناوین شعرینی یازدین دٌولئ نیسگیل غمیلین
رحمت اولسون سنه رحمت اثرین یازماغوا
هم مناجاتلری حق آ دینا یایماغوا
آیینان دردلریوی پایلاشسان احساسیلا ن
سانكی آی پارلایری سندن اولان فرمانیلان
نوش دارو تك اؤزوءن مرهم اولوپسان یاراما
سهراب اؤلدئ اؤز الینده اونا درمان آراما
كیم قالیب سن اونا ذوقیله اثر یازمامسان
فرقی یوخ شاه و گدانین ها میسین یادلا میسان
شاطرا شالی كارا وارلیا هم یوخسولا سؤز
یازیسان تشویق ائدیرسن دئیسن غملره دؤز
توءرك شعر ینده بولوب دونیا سنین شهرتیوی
قلمین قدرتینی یوكسك اولان غیرتیوی
دیوانین كمییتی چوخ داها چوخ كیفییتی
نیسگیل او چرچیه قانمیر بئیله بیر موهبتی
هر نه سبك ونه سیاق اولسا بؤلوءرسن یولونی
غزلین باغلئیری حافظ و سعدی قولونی
موسیقی ریتمیلری هر نه اولا اوستادئیسان
چوخلی تاثیر آلیسان همده اؤزوءن سازچالیسان
میلتین دردینی هیچ كس سنه تای سؤیله مدی
سنه تای همدیل اولوب آغلا مادی گوینه مدی
بیر اوشاخ تك نجه گاه سئیزلئییسان آغلئییسان
ایله بیر لحضه اولور داش اورگی داغلئییسان
یئری وار چوخلی ایشارت ائلیه م شعرلریوه
چوخلی تمثیل وورام یئرلئریوه سؤزلریوه
من سنی زنده بیلیب بئیله مخاطب ائلییرم
سنی هر یرده هرایشده اؤزوءم ایلن گورورم
شهریارا سن اؤزوءن سانكی چراخسان حسنه
هیچ نیازین یوخ اونون ناقیص اولان تعریفینه
حسن رحمانی-بهار ۸۸
size 2.88 MB 128 kbps
